Odisearen ondoren: nork inspiratzen du gaur egungo zinema?

Mendeetan zehar, zinemak literaturan aurkitu du bere inspirazio-iturri nagusietako bat. Eleberriak, ipuinak, antzezlanak eta klasiko handiak pantailara eraman dira behin eta berriz, iruditeria kolektiboa elikatuz eta belaunaldi berriei istorio zaharrak berrasmatzeko aukera eskainiz. Gaur egun, Christopher Nolanen The Odyssey filmaren estreinaldiak berriro ekarri du mahai gainera galdera zahar baina beti gaurkotasunez betea: nondik elikatzen da gaur egungo zinema?

Mahai-inguru honek literatura eta zinemaren arteko elkarrizketa izango du ardatz. Egungo idazleek zer ekarpen egiten diote zinemari? Zein istorio, ahots eta begirada ari dira erakartzen zinemagileen interesa? Eta, alderantziz, nola eragiten du zinemak gaur egungo literaturan? Egokitzapenez harago, bi diziplinen arteko joan-etorriaz, sormen-prozesuez eta iruditeria partekatuaren eraikuntzaz hausnartuko dugu.

Klasikoetatik gaur egungo kontakizunetara, eleberri handietatik ahots berrietara, mahai-inguru honek literatura eta zinemaren arteko harreman bizi eta etengabe aldatzen ari den hori aztertuko du, bi arteek elkar nola inspiratzen duten ulertzeko eta etorkizuneko istorioak nondik etorriko diren irudikatzeko.