Boluntariotza

Zinemakumeak gara! ez litzateke posible izango urtez urte emakumeek zuzendutako zinemaren alde beren denbora, energia eta ilusioa eskaintzen dituzten pertsonarik gabe. Boluntariotza Erakusketaren funtsezko parte da: zuek zarete publikoa hartzen duzuenak, gonbidatuei laguntzen diezueenak eta saio bakoitza aurrera ateratzen duzuenak.

Zinema maite baduzu, berdintasunean sinesten baduzu eta proiektu kolektibo baten parte izan nahi baduzu, hau da zure lekua.

Zergatik parte hartu?

Erakusketako boluntario izatea laguntza ematea baino askoz gehiago da. Hau da:

• Jarduerak barrutik bizitzea eta haien egunerokoaren parte izatea.
• Zinemagileak, profesionalak eta zinemarekiko zure grina partekatzen duten beste pertsona batzuk ezagutzea.
• Zinema-erakusketa baten antolaketa nola egiten den ikastea eta esperientzia pilatzea.
• Berdintasunarekin eta emakumeek zineman duten ikusgarritasunarekin konprometitutako kultura-proiektu batean laguntzea.
• Partekatzea, gozatzea eta zaintzen duen eta zaindua den komunitate baten parte izatea.

Zertan lagun dezakezu?

Profil eta interes askotariko pertsonentzako egitekoak daude. Zure erabilgarritasunaren eta gehien interesatzen zaizunaren arabera, honako arlo hauetan lagundu ahal izango duzu:

• Publikoaren arreta eta aretoak: bertaratutako pertsonak hartu eta orientatzea, sarbideetan laguntzea eta saioetan dena ondo joan dadin zaintzea.
• Gonbidatuei laguntzea: bisitan datozen zinemagile eta profesionalak hartu eta laguntzea, etxean bezala senti daitezen.
• Komunikazioa eta sare sozialak: zabalkunde-lanetan, ekitaldiaren jarraipenean eta sare sozialen dinamizazioan laguntzea.
• Logistika eta muntaketa: espazioen prestaketan eta jardueren funtzionamendu egokian laguntzea.

Ez duzu aurretiazko esperientziarik behar: garrantzitsuena gogoa izatea da. Guk lagunduko dizugu eta behar duzun guztia azalduko dizugu.

Zer eskatzen dizugu?

• Erakusketaren egun batzuetan erabilgarri egotea (eskain dezakezunera egokituko gara).
• Konpromisoa, erantzukizuna eta taldean lan egiteko gogoa.
• Erakusketaren balioak partekatzea: berdintasuna, errespetua, aniztasuna eta zaintza kolektiboa.

Nola eman izena?

Animatzen zara? Idatz iezaguzu zeure buruari buruzko informazio pixka bat emanez, zure erabilgarritasuna zein den eta zertan lagundu nahiko zenukeen azalduz. Zurekin harremanetan jarriko gara xehetasun guztiak emateko.

Zinemakumeak gara!
info@zinemakumeak.com

Zure zain gaude.