Vicenta Alonso de la Cruz

Bizkaiko Psikologia Elkargoaren Berdintasun Batzordeko koordinatzailea.

Berdintasunean, emakumeen aurkako indarkerian eta maskulinitateetan espezializatutako psikologoa.

Espetxe Administrazioko Goi Mailako Teknikarien Kidegoko psikologoa. Besteak beste, genero-indarkeria gauzatu duten pertsonentzako programa espezifikoan lan egin du; Bizkaiko espetxean maskulinitateen programa diseinatu eta gauzatu du; eta hainbat programa psikoterapeutiko garatu ditu espetxeetan, genero-indarkeria, sexu-indarkeria, terrorismoa eta psikopatia, besteak beste, tarteko dituzten delituen egileekin. Zuzendaritza- eta kudeaketa-lanak ere egin ditu.

Nazioarteko esperientzia du, Europako Kontseiluko aditu gisa, Turkian erradikalizazio bortitza eta terrorismoa prebenitzeko programan parte hartu baitzuen (2019-2021).

2018an, Segurtasun Estatu Idazkaritzak egindako feminizidioei buruzko azterketa xehatuan parte hartu zuen, baita Bizkaiko Probintzia Auzitegiak Bizkaiko feminizidioei buruz egindako azterketan ere (2022-2025).

Psikologia Klinikoan eta Emakumeen Aurkako Indarkerian Esku Hartzeko masterrak egin ditu.

Hainbat artikulu argitaratu ditu, eta hizlari gisa parte hartu du kongresu, ikastaro eta hitzaldietan. Gaur egun, Psikologiako doktorego-programa egiten ari da Deustuko Unibertsitatean.