Klaketa. 0

Zer gertatzen da film bat pantailara iritsi aurretik? Nola bihurtzen da ideia bat gidoi? Nork lortzen du finantzaketa? Zer erabaki hartzen dira filmaketan edo muntaketa-gelan?

KLAKETA. 0 Zinemakumeak gara!-ren barruan sortu da galdera horiei erantzuteko eta zinema publikoari ohikoa ez den ikuspegi batetik hurbiltzeko: posible egiten dutenen ikuspegitik. Proiekzio-jardunaldi edo mahai-inguru bat baino gehiago, KLAKETA. 0k zinema sortzeko prozesuan eta Euskal Herriko ikus-entzunezko industriaren errealitatean barrena egiten den ibilbidea proposatzen du.

Filmak nola sortzen diren ezagutzeko, haien atzean dauden pertsonak gertutik ezagutzeko eta zinemari buruz ikuspegi ireki eta hurbil batetik hitz egiteko gonbidapena.

18:00 · Irekiera eta ongietorria
Parte-hartzaileen harrera eta jardunaldiaren aurkezpena.

18:15 · Nola egiten da film bat?

Yerma filmaren zuzendari eta gidoigilekin solasaldia. Filmaren fase guztiak ezagutzeko bidaia: ideiatik eta finantzaketatik hasi, filmaketa eta postprodukziotik igaro, eta publikoaren galderekin amaituko den elkarrizketa.

18:45 · Atsedenaldia

19:00 · Begirada laburrak

Emakumeek zuzendutako 3 film laburren proiekzioa, gaur egungo euskal zinemaren talentuaren eta aniztasunaren erakusgarri.

19:45 · Topaketa zinemagileekin

Aurkezpena eta solasaldia film laburren zuzendariekin.

20:00 · Fuera de campo / Eremuz kanpo

Topagune informala, koktel batekin, zinemagileak, ikasleak, prentsa eta publikoa harremanetan jartzeko.

21:00 · Jardunaldiaren amaiera