Golem Alhóndiga | Urria 29a | 17:15
Cecilia Bartolomé: Tan lejos, tan cerca
Zentsuraren ondorioak gogor pairatu bazituen ere, 80 urte beteta ere Cecilia Bartolomek berezko duen espiritu askeari eusten dio.
Gehiago irakurri
Giovanna Ribes
Zuzendaria, gidoigilea eta ekoizlea
Giovanna Ribes artista bisuala, zuzendaria, gidoilaria eta ekoizlea da, eta CIMA, EWA, PAV, ACCIÓ eta FERA erakundeetako kidea. 2021ean, Berlanga Ohorezko Saria jaso zuen bere ibilbide profesionalagatik, Valentziako Ikus-entzunezko Zinemaren Akademiak emana.
Bere lanak berak ekoitzi ditu, genero guztiak jorratuz, esperimentaziotik fikziora: aipatzekoak dira Un suave olor a canela, La familia (Dementia), La sinfonía de las grúas, besteak beste; guztiek ibilbide oparoa egin dute eta nazioarteko zinema-jaialdietan aitortza handia lortu dute. Horrez gain, beste zinemagile ospetsu batzuen lanak ere ekoitzi ditu, hala nola Gabi Ochoaren El amor no es lo que era, Amparo Climenten Las cartas perdidas —Málagako jaialdian epaimahaiaren Biznaga de Plata saria jaso zuen, «Emakumeen eskubideak aldarrikatuz» atalean—, eta nazioarteko koprodukzioak ere bai, esaterako Cigdem Sezginen turkiar-espainiar filma, Tallingo POFF – Black Night Film Festival jaialdian estreinatua.
Azken urteotan Valentziako zinemagile gazteen lehen lanen aldeko apustua egin du. Horren emaitza dira Berlanga Sarietan lortutako hainbat izendapen: Dokumental Luze Onenaren kategorian Soc filla de ma mare, Laura García Pérezen lana; Fikziozko Film Labur Onenaren kategorian 13, Màriam Zelaiarena; eta Les Vacances, Mara de Elena Escuraren filmarekin, Emakumezko Aktore Protagonista Onena, Soinu Onena eta Zuzendaritza Onena kategorietan. Azken bi horietan saria eskuratu zuten: Laura Romerok Soinu Onenaren saria eta Elena Escurak Zuzendaritza Onenarena.
Filmografia
Cecilia Bartolomé. Tan lejos, tan cerca (2024), La familia (2016), El paseante (2015), Un suave olor a canela (2012), Manuela Ballester: El llanto airado (2008), La sinfonía de las grúas (2006), El sueño temerario (2005), Todas íbamos a ser reinas (1995).