Golem Alhóndiga | Urria 29a | 19:30
The End of It
Etorkizun hurbil batean, zahartzaroa sendatu daitekeen mundu batean, 250. urtebetetzea gertu duen Claire artistak nahikoa dela erabakitzen du: hil egin nahi du.
Gehiago irakurri
María Martínez Bayona
Zuzendaria eta gidoigilea
Maria Martínez Bayona (Reus, Katalunia) Londresen bizi den gidoilari eta zinema-zuzendaria da. 2014an Erresuma Batura joan zen National Film and Television School-eko Fikzio Zuzendaritzako masterra ikastera, ”la Caixa”ren beka bati esker.
Graduazio-amaierako bere film laburra, MIA, BFI London Film Festival jaialdian estreinatu zen, BIFA sarietan Britainia Handiko Film Labur Onenaren hautagaien artean izan zen, eta, beste aintzatespen batzuen artean, hiru sari irabazi zituen RTS Student Awardsetan.
Hurrengo film laburra, Wake, Film4ren enkarguz ekoitzi zen, Channel 4n eman zuten, eta Encounters Film Festivalen nahiz London Short Film Festivalen (LSFF) hautatu zuten. Film4k ekoitzitako Such Small Hands, Andrés Barbaren izen bereko eleberri laburraren egokitzapenak, Film Labur Onenaren saria eta Publikoaren Saria irabazi zituen Strasbourg Fantastic Film Festivalen; Zuzendaritza Onenaren saria Fantastic Fest jaialdiko Short Fuse sailean; eta Argazkilaritza Onenaren, Zuzendaritza Onenaren eta Thriller Onenaren sariak Aesthetica Film Festivalen.
2026an egin zuen debuta film luzean The End of It lanarekin. Rebecca Hall, Gael García Bernal, Noomi Rapace eta Beanie Feldstein aktoreek antzeztutako nazioarteko koprodukzio horrek Canneseko Zinemaldiko Cannes Première sailean izan zuen mundu mailako estreinaldia. Filmak bere ibilbidea sendotu zuen, iruditeria bisual propioak eta zientzia-fikzioaren eta umorearen bidez gai existentzialak jorratzeko interesak markatutako bidean.
Filmografia
The End of It (2025).