Cookieak erabiltzen ditugu zure esperientzia hobetzeko.
Kontsultatu gure cookie politika.
Ekoizlea
Katixa de Silva Ruiz de Austri (Gasteiz, 1986) Nafarroako Unibertsitatean Ikus-entzunezko Komunikazioan lizentziaduna da. Zinema eta telebistaren alorrean garatu du bere ibilbide profesionala, ekoizpen zuzendaritzan eta ekoizpen exekutiboan espezializatuta. Profesional independente gisa, hainbat ekoiztetxerekin lan egin du, ekoizpen-buru, ekoizpen-zuzendari, ekoizpen exekutibo eta proiektuen koordinatzaile lanetan.
Besteak beste, Vitoria, 3 de marzo, La pequeña Suiza, El vasco, Altsasu, Akelarre, Baby, Ilargi guztiak, Ane, La cima, Sobre todo de noche, Una ballena eta Sin instrucciones lanetako ekoizpen-taldeetan parte hartu du.
CSC Films ekoiztetxeko ekoizle sortzaile gisa, film laburrak eta film luzeak garatu eta ekoizten ditu, arreta berezia eskainiz talentu berriei eta egile-zinemako proiektuei. Horrez gain, ekoizpen exekutiboa, proiektuen garapena eta ekoiztetxearen erakunde-harremanak koordinatzen ditu.
Bere ibilbidean zehar, hamar bat film labur ekoitzi eta koekoitzi ditu, baita dokumentalak eta film luzeak ere, estatuko zein nazioarteko zinema-jaialdietan aitortuak eta hautatuak izan direnak. Ikus-entzunezko Ekoizpeneko Profesionalen Elkarteko (APPA) eta Espainiako Zinemaren Arte eta Zientzien Akademiako kidea da.
Sarrera doan
Sala BBK | Urria 23a | 19:00
Ekitaldian, Simone de Beauvoir Saria Leticia Dolera zinemagileari emango zaio, eta Bihargi Saria, berriz, Katixa de Silva Ruiz de Austri ekoizleari.
Gehiago irakurri