Pilar Palomero
Pilar Espainian jaioa, Hispaniar Filologian graduatu zen Zaragozako Unibertsitatean 2003an. 2006an, Pilar Zinematografian graduatu zen Madrilgo Zinema Eskolan (ECAM).
Bere ibilbide profesionalak 180 graduko bira eman zuen 2013an Béla Tarr zinema zuzendari hungariarrak Sarajevoko film.factory lankidetza-proiektuan parte hartzeko hautatutako 16 zinemagileetako bat izan zenean. Film.factory-n zinema-industria garaikideko kritikari, zuzendari eta teoriko garrantzitsuenetako batzuen zinemari buruz lan egiteko eta ikasteko aukera izan zuen.
2020an, Las niñas lehen film luzea estreinatu zuen Pilarrek Malagako Zinemaldian, eta Film Onenaren Urrezko Biznaga irabazi zuen. Estreinatu zenetik, sariak eta errekonozimenduak pilatu ditu etengabe, 4 Goya Sari barne (Film Onena, Zuzendari Berri Onena, Jatorrizko Gidoi Onena eta Argazki Onena), historia eginez, proiektu beragatik Zuzendari Berri Onenaren eta Film Onenaren sariak irabazi dituen lehen zuzendaria izan baita.
2022an, La maternal estreinatu zuen Donostiako Nazioarteko Zinemaldiko sail ofizialean, eta haren aktore nagusiak, Carla Quilezek, Interpretazio Onenaren Zilarrezko Maskorra irabazi zuen.Los destellos bere hirugarren film luzea da, Eider Rodriguez euskal idazlearen izen bereko kontakizun batean oinarritua.
Filmografia: Los destellos (2024), La maternal (2022), Las niñas (2020).