Sinopsia

2009ko urrian, Javier Chocobar, Tucumángo probintzian (Ipar-mendebaldeko Argentina) dagoen Chuschagasta komunitate indigena­ko kidea, bere herria defendatzen saiatu zen lurretatik indarrez kanporatu nahi zituzten lur-jabe baten eta bi polizia ohiren aurrean. Eztabaidan, 68 urteko Chocobar tiroz hil zuten, eta komunitateko beste bi kide zauritu ziren.

Bere lehen dokumental luzean, zinemagile argentinarra Lucrecia Martelek (Zama, 2017) ikuspegi zabala eta argigarria eskaintzen du tragedia honen inguruan. Filmak uztartzen ditu hiru auzipetuen epaiketa, Chocobarren eta bere herrikideen bizitza, eta Latinoamerikan mendeetan zehar bizi izan den kolonialismoaren ondoriozko lurren eta ondasunen lapurreta. Lurralde gatazkatsu horren edertasun naturala era ikusgarri eta zirraragarrian irudikatuz, Martelek omenaldi zinematografikoa egiten dio historian sistematikoki ezabatu nahi izan den komunitate bati.

Fitxa