Sílvia Munt
Zinema, antzerki eta telebistako aktore eta zuzendaria, Bartzelonan jaioa, 1957ko martxoaren 24an. Londresko Royal Balletek dantza klasikoko dantzari gisa titulatu badu ere, Shakespeareren El sueño de una noche de verano lanarekin 1977an antzerkian egin zuen debutak antzezpenaren alorrera bideratu zuen bere ibilbide artistikoa. Urtebete geroago, Francesc Bellmunt-en La orgia bere lehen filmean parte hartu zuen, eta 1982an ezagutarazi zen La plaza del Diamante-n Colometaren papera antzeztean. Aktore Protagonista Onenaren Goya saria irabazi zuen Alas de Mariposa (Juanma Bajo Ulloa, 1991) filmean egindako lanagatik. Laia bere lehen film laburrarekin hasi zen zuzendari gisa, eta haren atzetik Gala (2003), Pretextos (2008) edo La Granja del Paso (2015). Las buenas compañías (2023) bere azken film luzea da.
Lanbidea: Zuzendaria, aktoresa eta gidoigilea