Aurkezpena

Zinemakumeak gara-ren 25. urteurrena

2020an mende laurdena bete da Ana Gorosizak, Carmen Urruelak, Mari Luz Isasik eta Carmen Rellosok (Simone de Beauvoir Talde feministako militante historikoak) emakumeek zuzendutako Estatuko zinema erakustaldi aitzindariaren hazia landatu zutenetik. Duela asko, 1996ko azaroaren 25ean, eta BBKren laguntza apartarekin –Erakusketa sortu zenetik kolaboratzaile sutsua-, Zinemakumeak gara! film erakusketa sortu zen Indautxuko El Carmen aretoan, programa bikoitz baten proiekzioarekin: "Los Goikoetxea", Beatriz de la Vegaren film labur bat, eta Moufida Tlatli zuzendari tunisiarraren "Los silencios de palacio". Ordutik ona hainbat eta hainbat proiekzio, solasaldi, tailer eta mahai-inguru egin da; lagunen eta kolaboratzaileen lan bikaina ere bildu dugu, eta gaur egungo krisi-egoera zail honi ere aurre egin beharrean gaude. Baina, hainbeste urteren ondoren, bere horretan mantentzen da Zinemakumeak gara!ren konpromisoa, emakumeek egindako zinema ikusarazi eta balioesteko helburua, nahiz eta konkista sozial berrienen ameskeriak haren zentzua eta esanahia zalantzan jarri.

Zinema gara! Eta pandemiaren albo-ondorio larrien eraginez, gure hiriko kulturgintzak duen desagertzeko arriskuaz jabeturik, lehen egunetik gure ibilbidea zuzendu duen leloari leialtasunez eutsiko diogu, ezagutzarako eta hausnarketarako espazio bat aldarrikatuz, 6 film luzeren estreinaldiarekin, film laburren aukeraketa bikain batekin eta hainbat gonbidaturen parte hartzearekin: Amara Mosteiro, Norma Vila, Esther Cabero, Jaione Camborda, Marcelle Mardon, Lidia Kinson, Ana Carrasco Conde, Edurne Portela, Laura Casielles, Nuria Giménez eta Paula Cons. Elkarrekin oraina pentsatu eta etorkizuneko gakoak aztertuko ditugu, solasaldi eta mahai-inguruen bidez. Mahai-inguru horietan gure urteurrena ospatuko dugu eta 25 urte gehiagorekin amets egingo dugu.

Bideo esperimentaleko tailerra

Tailerrean, partaideek ikus-entzunezko proiektu txiki bat garatzea proposatzen da; praktikak sorkuntza askea sustatuko du, prozesuan zehar esperimentazioa eta jolasa bultzatuz. Ikus-entzunezkoen alorrean interesa duten pertsonei eta euren proeiktua landu nahi duten artistei zuzenduta dago.

Eguna: 2020ko urriaren 10a · Ordutegia: 9:30etik 17:30era
Lekua: ECCBI (Escuela de Cine Bilbao). Deustuko Erribera, 70 · Bilbo
Prezioa: 10€ (kafea, tea eta bazkaria barne)

Izen-emateak